天气
广东省 广州市 巨蟹座
发消息 写留言
| 近期心愿 | 拥有一个幸福快乐既家庭,一份满意既事业!人人都健康快乐! |
| 博客等级 | 加载中... |
| 今日访问 | 加载中... |
| 总访问量 | 加载中... |
| 最后登录 | 加载中... |
自定义模块
自定义模块
结婚一周年
2010-5-15 10:54:12 阅读26 评论0 152010/05 May15
不知不觉已经过了一年，这一年多得老公对我细心照顾，体谅我的辛苦，多谢你啊！老公！
我知道自己脾气唔好，亦知道你都好辛苦甘就我，以后我会尽量改，希望老公要更爱我！
婚礼准备时
2009-9-6 22:30:18 阅读26 评论1 62009/09 Sept6
好似好耐都无再写BLOG，其实我都唔想嘎，因为最近真是好忙，当然除左要准备结婚既野是好忙之外，仲加插左好多其他好烦又好锁碎既事，公司啦，屋企啦，真是忙到我一头烟……
到依加为止，结婚既野都准备得差不多啦，仲有唔够一个月既时间，我终于都觉得开始紧张啦，之前真是一D感觉都无，因为我一直都系自己屋企住，净是周末先去老公度，所以唔觉得有咩改变，但是系近呢个月，我绝大多数时间都系他屋企，而且寻晚先写完请柬，先觉得今次真是要嫁啦，所以真是开始会觉得紧张，不过一路走过来，都有老公陪住同照顾，我觉得都几幸福嘎，多谢老公！
登记
2009-5-12 20:45:40 阅读29 评论1 122009/05 May12
5月11号,又一个值得我地记念既日子, 你我都多左一份责任,我地既人生亦步入另一个阶段! 成为你既苏太,我会尽我既能力去构筑我地既家,希望我地以后可以幸福甘过日子!老公,你都要更加爱我喔!我亦都会更加爱你!
＂好男人是自己调教出来的＂
2009-3-29 12:23:45 阅读34 评论0 292009/03 Mar29
女生经常感叹：＂点解呢个世界无晒好男人嘎？＂ 以前我都会甘觉得，不过最近睇到一篇文章＜好男人是自己调教出来的＞，依加我就深深体会到呢句话既意思，希望我都可以将他调教成我认为既好男人，当睇到他为我慢慢改变，那种贴心既感觉我到依加仲好珍惜，只是希望他真是会继续为我改变啦～～～
一起走过三个多月
2009-3-29 12:09:42 阅读28 评论0 292009/03 Mar29
从我地相识到依加,已经四个多月啦,虽然我地既进展好快,但是其实我都仲未确定你是唔是就是果个人.有时我会系度谂,其实我都唔是甘钟意你,你亦都唔是甘钟意我遮,点解又会进展得甘快呢?真是因为婚姻而走到一齐,我会唔会行错呢一步呢?因为你都未俾到我信心同安全感.
2008年甘快就过左去啦~~
2009-1-7 14:21:13 阅读26 评论0 72009/01 Jan7
08年发生左好多事,无论是大到国家既,定是细到我自己既,都有好多好多,回想起身,真是充满开心与唔开心既记忆,好值得我去珍惜.
不知不觉已经离开左学校同班大学同学快两年啦,真是好挂住他地,睇返毕业果时既相,又谂返起一段段美好开心既回忆,唔知大家都过得点,好想多聚一下~~
做完伴娘啦!
2008-11-15 23:38:36 阅读46 评论2 152008/11 Nov15
11月9号,总算天公作美,天气虽然转凉,但是果日都几好太阳,一早我地就起身,食早餐,SET头,化妆,准备好等新郎来接新娘,我同新娘前一晚都无点训,多得我个侄女,成晚都唔肯训,郁来郁去,仲忙过温宝宝!搞到个个都训唔到!真是好鬼眼训!不过点都要顶硬上~~~
1点钟,新郎准时到达新娘屋企,兄弟同姊妹经过少激烈既唇枪舌剑之后,终于都开到第一道门,我同新娘系房入面真是好紧张,新郎想开第二道门都唔是甘容易嘎,因为新娘都唔肯放过他,要他大声讲18句"老婆,我爱你",但是碍于新郎太内向而且时间紧迫,我同新娘都只听到新郎讲"老婆,你听住啦,....."就要开门啦.
经过稳鞋,互带戒指同饮新抱茶等仪式,以及兄弟同姊妹们既大懵之后,终于都出门啦,不过都仲未可以直达新郎屋企,因为仲有个"回门"既仪式,即是新郎新娘上花车兜一圈再返到新娘屋企,我地班姊妹就开始忙啦,因为要帮新娘换裙褂,食完面,拜完神之后正式上花车赶去新郎屋企．
同样要饮新抱茶,上香俾祖先等,系四点半就赶去酒楼准备迎客,因为要帮新娘换返套婚纱,要先去新娘房,但是间酒楼当晚同时有两对新人摆酒,新娘房竟然是共用?!无时间兼无奈甘就帮新娘换好婚纱,补妆,出去迎客啦.
直到7点先上楼准备入席,但是司仪只有一个,只能够等另外果对新人搞完仪式先到我地,真是好无奈,之后好似赶场甘,好快甘入场,所有其他既游戏,仪式悭得就悭,好快甘就入席,上菜.上到第6个菜,又到新郎兄弟敬酒,新娘趁机去换裙褂同补妆,就开始新娘敬茶!总共25围,因为开始D姊妹都唔帮口嗌,只有我同我妈咪同声同气甘嗌"饮杯新抱茶,富贵又荣华"来撑场,我就收利是收到手软,不过好彩后来D姊妹都齐心返,一齐大声嗌,我先唔使叫足25围!之后总算可以食D野啦.最后大家都散席,我地同新娘映返张相,之后就同老豆妈咪侄女阿嫂一齐返归啦!
企足成日,只脚真是好累!当晚又要卸妆,又要冲凉洗头,仲要等到头干左先训得,成2点钟先训,好鬼死累啊!所以以后都是做人姊妹好啦,做伴娘一次就够晒啦!
今天，我种下了一朵小蓝花
2008-10-26 13:34:25 阅读21 评论0 262008/10 Oct26
期待11月9号,做伴娘
2008-10-26 13:30:16 阅读32 评论0 262008/10 Oct26
2008年11月9号是我个F结婚既大日子, 我就要做她既伴娘, 呢次都是我第一次,我谂亦是最后一次做人伴娘啦, 所以我都想留返个美好既回忆,哈哈! 我连公司一年一度既OUTING都唔去啦, 真是好大牺牲嘎! 所以希望果日靓靓见人啦!
中秋之后未停过,好累啊!
2008-10-1 13:36:06 阅读24 评论4 12008/10 Oct1
今年中秋连续放左两日假, 而且亦都是两个同事走左之后, 真真正正自己一脚踢负责晒甘多野, 结果就是做到我A甘!
我都未试过连续十几日都未早落班过既, 严重时仲要加到十点, D野真是做极都做唔完, 当时净是得返我同GLORIA同我一齐加班, 真是多谢她啊! 后来SUKI同阿颠MARK C/N 果时先发现原来我真是好多AMENDMENT, 出左好多C/N, 难怪我成日都加班, 连星期三都加到八点, 我成个人都好累, 但是总是无得休, 搞到休息唔好, 训得唔好, 加上之前食左好多热气野, 依加我D皮肤好差, 生左好多痘痘, 呢两个星期我都已经戒晒所有热气野, 仲日日食水果同饮凉茶, 都未见有好转, 真是烦死啦! 以后要训多D先得!
今日是十一, 放一日假, 而且仲撞岩是老豆牛一, 所以决定带阿爸阿妈去食餐好既, 食鱼生! YEAH!